ಹೊಸನಗರದಲ್ಲಿ RSS ಮೂರು ದಿನಗಳ ಕ್ಯಾಂಪ್: ಮೇ 7ರಿಂದ ಆರಂಭ

ಹೊಸನಗರ: ತಾಲೂಕಿನ ರಾಷ್ಟ್ರೀಯ ಸ್ವಯಂಸೇವಕ ಸಂಘ (ಆರ್‌ಎಸ್‌ಎಸ್) ವತಿಯಿಂದ ಪ್ರಾರಂಭಿಕ ತರಬೇತಿ ಕ್ಯಾಂಪ್ ಮೇ 7ರ ಸಂಜೆದಿಂದ ಮೇ 10ರ ಮಧ್ಯಾಹ್ನದವರೆಗೆ ಹೊಸನಗರ ಪಟ್ಟಣದಲ್ಲಿ ನಡೆಯಲಿದೆ. ಈ ಕ್ಯಾಂಪ್ ಪಟ್ಟಣದ ಶ್ರೀ ಗುರೂಜಿ ಇಂಟರ್ನ್ಯಾಷನಲ್ ರೆಸಿಡೆನ್ಸಿಯಲ್ ಸ್ಕೂಲ್ ಆವರಣದಲ್ಲಿ ಆಯೋಜಿಸಲಾಗಿದೆ.

ತಾಲೂಕಿನ ವಿವಿಧ ಗ್ರಾಮಗಳಿಂದ ಶಿಕ್ಷಾರ್ಥಿಗಳು ಶಿಬಿರದಲ್ಲಿ ಭಾಗವಹಿಸಲಿದ್ದು, ವ್ಯಕ್ತಿತ್ವ ವಿಕಸನಕ್ಕೆ ಪೂರಕವಾದ ಹಲವು ಚಟುವಟಿಕೆಗಳು ನಡೆಯಲಿವೆ. ಶಿಬಿರದಲ್ಲಿ ಆಟಗಳು, ಯೋಗಾಭ್ಯಾಸ, ದೇಶಭಕ್ತಿಯ ಕಥನಗಳು, ರಾಷ್ಟ್ರೀಯ ವಿಚಾರಗಳ ಮಂಥನ, ಬೌದ್ಧಿಕ ಕಾರ್ಯಕ್ರಮಗಳು ಮತ್ತು ಪ್ರಶ್ನೋತ್ತರ ಸತ್ರಗಳು ಇರಲಿವೆ.